ए मन
यादहरु साँच्चिकै बलिया हुन्छन्
यादहरु साँच्चिकै बलिया हुन्छन्
यति बलिया कि
कसैलाई टुटाउन सक्छन्
कसैलाई फुटाउन सक्छन्
हो यादहरु साच्चिकै बलिया हुन्छन्
यदि तिमी विश्वास गर्दैनौं भने
कि यादहरु बलिया हुन्छन् भनेर
ति यादहरुमा डुब्नेलाई सोध
यादले सताइएका
स्मृतिले बिझाइएका
सम्झनाले खियाइएका
एक एक मनहरुलाई सोध
यादहरु कति बलिया छन् भनेर!
तिमी मलाई सोच्छौ भने
तिमी मसँग उत्तर खोज्छौ भने
म पनि भन्छु
यादहरु साँच्चिकै बलिया हुन्छन्
निको भएका घाउहरु कोट्याइ दिन्छन्
तिमीले बिताउन हुने र नहुने
सबै पलहरुको हिसाब फिर्ता लिन्छन्
बदलामा हासोहरु, आँशुहरु,
आक्रोशहरु, आवेशहरु
सबै सबै फिर्ता दिन्छन्
हो यादहरु साँच्चिकै बलिया हुन्छन्
हिजो दिउँसै रात पर्यो
हो, हिजो दिउँसै रात पर्यो ।
एक हुल अन्धकार
हाम्रो घर भित्र छिरे ।
विश्वासघातको अंगालो मारेर,
बदनामीको जञ्जिरले बाधेर,
एकहुल अध्यारो
हाम्रो घरको एउटै उज्यालो
खोसेर लगे ।
पल्ला-घरे भन्छन्
अध्याराहरु उज्यालोसंग डराउछन् !
उज्यालाहरु दिनमै अध्यारो भएको,
र काला, अध्यारा विचारसंग ।
यसैगरी हिजो दिउसै अध्यायो हुदा
टोल भरीका अध्यारा अनुहारले
मेरो अँध्यारो घरलाई गिज्याई रह्यो ।
मैले पहिलो पटक देखे,
जब तिम्रो संसार अँध्यारो हुन्छ
बैमानी संसार कति चाढै
अँध्यारो भएको देख्न सक्छौ ।
जब एक हुल अँध्यारो
एउटै उज्यालो मबाट खोसेर लगे
हिजो दिउँसै रात पर्यो ।
- सुशील ढकाल
यदि
टिपी ल्याउथे गुलाव पनि
यदि खुशी हुन्थ्यौ भने!
अंगालो मै जुनी काट्थे
यदि साथ दिन्थ्यौ भने!
हराएर एकाअर्कामा
यदि खुशी हुन्थ्यौ भने!
अंगालो मै शुन्य हुन्थे
यदि साथ दिन्थ्यौ भने!
टिपी ल्याउथे तारा पनि
यदि खुशी हुन्थ्यौ भने!
अंगालो मै जुनी काट्थे
यदि साथ दिन्थ्यौ भने!
#एक्लैबस्दा